«НУР»
Улеббишис гьеле вод гъу нур, кlазет,
Гьар сураке хабар гьоолен, зор кlазет,
Тарихеъаб джига авхъу, гъу кlазет,
Йихъбишдимей гейд гыранын «НУР» кlазет.
Аlсирбишей цlедда едике оху,
Шавыкене гъу шас ядигар аху?
Гейбна вахтний гьасратейхъа ши авху,
Закаталайс, Къахыс, Цlаlхыс вод аху.
Гьар сураххъа верыгъен нур хьигъечlе,
Диндиини гадигеинче вод гъу хъиккечlе,
Гьар уlлджума йихъбишди джибахъа кlечlе
Марана дена хьинне иттуна «Нур» кlазет.
Шариф маъаlллиме кlазет адайли,
Чини хабарбишис йихъбы сабайли,
Уlлджумей са зарбас кlазет хъадайли
Хебна джига-джарга авхъуйн «НУР» кlазет.
Хьуледле аlсирын йихъбы иняъаб,
Гьаlшде ниман аалимар вобоб джааъаб,
Гьар суалыс гьаlмаше гьазир джуваб.
Гьар сурале хабар гьоолен «НУР» кlазет.
Хъиигьыини умматыс ахва ядигар,
Улу бабабишике гьивледжен хабар,
Насылбишей ахваджен гъу ядигар,
Васият воб валхъа гьааъа, «Нур» кlазет.
Йишди халкьын тарихнан зор кlазет.
Баракаллагь, гъу ойкlанни йихъбишис,
Авхъе джига хъиигьыини насылбишис,
Баракаллагь, гъу ойкlанни йихъбишис.
|
|
Баятыбы
Самурале сел абайли,
Джине Дюлтий сабайли.
Майни вуза йишын халкь
Ватанылхъа хъадайли.
Кьулейдын экlын нетlбы,
Кьаlджалбышейдын тlетlбы,
Ай йыхъбишын ашугъар,
Окlне уфтанын шечlбы.
Шахъа югун ейлагъбы,
Джаа вод заlм-заlм былахбы.
Миллетбише гейд экlын,
Халкь водон-йишин йыхъбы.
Самурале сел абайли,
Дера гявцlу хъабайли.
Дагъайни торпагъбишис,
Баракатджаб сабайли.
Фй дера, Самур дера,
Уфтанда гьарын сура,
Гьар дердес дарман вахъа,
Дарна, хылийна дера.
Йишын халкъ гейд экlын халкъ,
Кlылни джигайн хедын халкъ,
Гьар сурал аалимарнан
Хедын сеснан йишын халкъ.
Йишын халкъ вод суван халкъ,
Джон отхьуний кьавут, далкьв.
Гьарни ишыс дириба
Гейд гуджукан суван халкъ.
|