| |
Аlгьмад Давудов
Чодж
Сувал'нанкъа, чолейнанкъа,
Писрананкъа, югрананкъа
Йизын далы, йизын арха
Гьаlммашеджар гъу ыхьа чодж!
Гьар карахъа чина джига,
Гьамбазыхъа джуна джига,
Шавусседжаб чоджна джига
Гьааъас дааlха зы эйгьи чодж!
Дидершихъа джуваб водун:
- Хизаныб са девлет водун.
Шахъа хедда такьат водун
Санабнанкъа зынай гъу чодж! |
|
Адий
Рооц оокку дяйдяй гьавъу,
Дагьамба ши чlекlы хъавъу.
Хьулеблене хаlм-суlп гьавъу?
Гъу йишди мей, йизда адий.
Гыранна адий, джан адий!
Гьаммаlше йикl шахъа гёдхьун,
Шасний гьелен идёдхьун,
Зиллет гьавъу, аlзаб обхьун.
Чlекlы хъавъу, гъу ши адий,
Гыранна адий, джан адий!
Гьаlшдиле зы хер хъыхьанкъа,
Чlыры хъихьа ыкlаранкъа,
Сексемышхьа, хъаlркьынинкъа
Он гьаъанке валхъа адий.
Гыранна адий, джан адий! |
|
|
|
Самурын хьян
Йихъийна дих гьихъа гьоора,
Хъобкуна йаlхъ авхъу гьоора,
Нарагьатхье шахъа гора,
Иледгьухье Самурын хьян!
Евлемишхье, айнемишхье,
Варламышхье, байлемишхье.
Элис, убайс яранмышхье,
Иледгьухье Самурын хъян!
Хъимаlйкьан гъу душманыле,
Пелгьангыле, аслыныле,
Гуджукана дешда вале,
Иледгьухье Самурын хьян!
Йикlел аххъе санхьий - гьийгъний,
Къадже вакlле балайн къийхъий,
Мугьайетхье элил йигьни,
Иледгьухье Самурын хьян!
|
|
Чlараlна балкан
Кьыlдим адкlын, хъадийн юххьан,
Хъидябына йизда балкан.
Гьайни сеней хъидябына,
Шыlнкъа балкан иттябына.
Са сес хъады акьаlнанче:
- Хабар вухье вас иненче.
Багълыба воб видер-джигъыр,
Аlрдава вод постул гиур.
Голеджиле, гадигыле,
Дешда имкан не Диндийле.
Са илекке гъу Диндийхъа,
Гьиджо йигъе ады чилхъа.
Сундукlни кьоlниса сурал,
Алибкlыроб хебна сангар.
Ухьихьанни джигей балкан,
Инсанароб ярахыкан.
Гивийхьани джигей ягьар,
Ярах-патlрон, анбар-анбар.
Закlле ивгьойн: - куда идешь?!
Есть приказ, не пройдешь!
Хъидгlын гьаъас эскерике:
- Гьиджон ыккан ийгье шакlле?
Гьааъас воохьей гьеч кьадагьа
Зы икарас йизди маlгьле?
Сакlы ивгьойн манкъве закlле:
- Сагьол ийгье гьале шакlле!
Ши шу гьааъа къорамыш,
- Ихьене бес зы инанмыш?
Къайхье вакlле, залым инсан,
Дешда шахъа дюнйей душман!
Азербайджаний Дагъыстан
Гудмиш воохье чоджар хьинне.
Къорамышне шу ши гьааъа?
Шиджаб шале, йихьершиле!
Гимивийхьи миннати шалхъа,
Вассыре ши шалеб алхъа.
Сайаlххъе шу ыlхинне цlа,
Гёбхьуннане Самур дере.
Наlгьурне зы инанмышхье
Гьорбышилхъа алдгвмышхье?
Иншааллагь, вахт хъавайли
Шыlнкъа балкан меб абайли.
|
| |
|
|
| |
|
|
| |
|
|
|
|